估唔到呢度冇更新咁耐，啲嘢又唔有趣，竟然一路到咗而家仲係有咁多人睇，真係要多謝大家嘅支持。
2021年 02月05日
話說早幾日，發現青少年發明家大賽的網址 younginventor.hk 過咗期，因為我已經有一段時間沒有參與，所以還是問一問。收到的答覆是，現在已不再舉行了，因此網站也不需要再續。
香港青少年發明家大賽，曾經是幾個機械工程團體一起聯合舉辦的賽事，向我們的中學生推廣機械工程，也算是一項大型的賽事。今次網名不再續約，又可以視為一個時代嘅終結。
其實我都冇黎好耐㗎啦，有幾篇新年嘅篇章，其實都已經係 post date 嘅產物。
不過今次係有關於學會嘅事務，所以都妨留一個記錄。不過話時話，我用咗 HKYMS 呢個名，都可能政治麻麻哋正確。咁啦，如果後人希望攞返呢一個網站，就留言話俾我聽。我係好樂意禪讓返個網站比有意搞好香港青年分部的人。
2020年 01月01日
2019年 11月30日
好耐冇係呢一個網站發佈文章，今日忽然間路過，所以都寫幾行字紀念一下。
其實呢度已經變咗太空垃圾，因為寫嘅文章，裏面嘅字，同埋資訊已經係過晒期。可能對於好多人來講都已經係毫無價值，不過呢，一字一句都係好辛苦咁樣寫返嚟，所以如果你叫我全部刪除左佢呢，我又唔捨得。
呢舊太空垃圾，究竟有幾垃圾？
咁樣同大家睇返個數據先，原來每年都有萬幾個人點開啲文章睇架啵。雖然見到一個下降嘅跡象係無可避免嘅，但係每年仍然有咁多人點開文章嚟睇，其實真係有啲意外。
今日就同大家睇住咁多先，有緣再會。

