我地好辛苦咁為大家搞活動,搞參觀,辦講座。我地相信這樣會對大家好,有益身心,增廣見聞。但係,呢幾個月黎,報左名約左又冇出現既人實在太多。初步統計,甩底情況十分嚴重。出席率大約只有6成。

我地通常參觀日前一日就會打去比報左名既人,提醒佢地參觀,問佢地係咪會黎。 有d就話唔黎,都算勒;有d就話會黎,但最後又冇出現,見唔到人,仲唔聽電話, 實在太不負責任。其實我地搞活動都係為大家,自己唔來都可以打電話黎講聲。我地又唔會咬人。

大佬,你估自己係Aeronautical Engineer 咩?放飛機當例行公事。我知道參加活動唔係返工,但打電話黎講聲,咁大家都好。做人做工程師做到「無尾飛鉈」咁,就唔係咁理想啦。

我們搞活動的,本身都要搵食。咁辛苦,又無人工,都係因為大家對大家有熱誠。所以搞活動,有大家支持好重要。忽然間唔得閒,我地知係無計,我們都體諒。但被人放飛機,有沒有人體諒我們?

前幾天才告訴人家我們40人來參觀,當天只剩下20來人。主人家也感到奇怪,人家口上沒有說,我自己心裡也覺得尷尬。

12月1日我們會參觀香港電燈的鴨脷洲系統控制中心,求下你地,唔好甩底。